أنا راجعة تاني الحلم
أول ما تنام هتشوفني
السما ما فيهاش و لا نجم
و النّور قرَّب يخطفني
أنا حلم فْـ عينك بس
حاجة جايز تتحس
إنما ممنوع اللمس
و لو اني بعيد.. للعِلْم..
نظراتك بتخوفني
***
اكتب.. غنِّي.. سمَّعْني
حتى لو غُنا يوجعْني
بيريَّح قلب و روح
إنك حاسس بغرامي
و إنك مطرح ما تروح
ما فارقتش ليل أحلامي
أنا حلم فْـ عينك بس
حاجة جايز تتحس
إنما ممنوع اللمس
و لو اني بعيد.. للعِلْم..
نظراتك بتخوفني
***
احضنِّي اوي ودَّعني
غمَّـض عينك رجَّعنِي
أنا بره الحلم هاموت
أنا عايزة ارجع لحياتي
مهما هيسحرني الصوت
مشتاقة لدمع سكاتي
...
...
أنا راجعة تاني الحلم
أول ما تنام هتشوفني
السما ما فيهاش و لا نجم
و النّور قرَّب يخطفني
