كلام العينين
مالوش معنيين
حروفه فْــ رموشه
و مهما تحوشه
هيفتن عليك
***
لو القلب يقدر
يداري هواه
و لا يدق أكتر
و حبه معاه
كانت عينه خَبِّت
في لحظة ما حَبِّت
ما تسأل عينيك
***
صحيح أحلى غنوة
ما بين الشفايف
هوى بكلمة حلوة
و لا حد شايف
لكن أحلى و احلى
هوى بنظرة سهلة
بعينه لعينيك
***
لا ما تخافش يقرا
عينيك حد تاني
ده لو ألف نظرة
هاشيلها فْـ ثواني
و اداريها عنهم
لتلمح عيونهم
هوايا فْــ عينيك
2 التعليقات:
لا ما تخافش يقرا
عينيك حد تاني
ده لو ألف نظرة
هاشيلها فْـ ثواني
___________________
مستحيييييل ...
كل الناس بتشوفه وبتقراه وكإن الكل نسبة ذكاؤه وإحساسه زادت فجأة
حتى أم كلثوم قالت (اللي يحب يبان في عنيه)
(الصــبّ تَفضحه عُيونه وتَنمّ عن وَجد شــؤونه
إنا تَكتـــــــَّمنا الهوى والداء أقــــــــتله دَفـينة)
لأ مش كل الناس طبعا
ـــــــــــــــــــــــــــــــــــــــــــــــــ
عيون تبوح بالغرام و تقول لك اهواني
و عيون تقول لك حرام لو كنت تنساني
و عيون تقول لك أنا لي حبيب تاني
إرسال تعليق