إيه اللي فكر قلبك اني
كنت يوم واحدة فْـ حياتك ؟
مش بعدت و غبت عني
ليه تدوَّر عاللي فاتك ؟
حتى عايزني ما الومشي
سيبني و ابعد.. سيبني و امشي
نفسي اقولك يا ريت ما جيتني
ولاّ كنت ياريت نسيتني
ولاّ حتى أنا ياريتني
ما كنت لحظة واحدة فْـ حياتك
***
من غير سؤال باين عليك
مجروح و زي ما جيت زمان
رجفة إيديك.. حيرة عينيك
فتنت و قالت عاللي كان
جاي تداوي الجرح عندي
طب و جرحي و ليل دموعي
جاي تقولّي بلاش تعاندي
فرحة في عينيكي برجوعي
حتى عايزني ما الومشي
سيبني و ابعد.. سيبني و امشي
نفسي اقولك يا ريت ما جيتني
ولاّ كنت ياريت نسيتني
ولاّ حتى أنا ياريتني
ما كنت لحظة واحدة فْـ حياتك
***
عايزنا نبدأ من جديد
و اللي فات أهو فات و راح
يا خوفي للأيام تعيد
الهوى و بعديه الجراح
إيه اللي اتغيَّر فيك عشان
قلبي تاني يبقى ليك
دا انت راجع بالزمان
و اللي كان لسة ماليك
حتى عايزني ما الومشي
سيبني و ابعد.. سيبني و امشي
نفسي اقولك يا ريت ما جيتني
ولاّ كنت ياريت نسيتني
ولاّ حتى أنا ياريتني
ما كنت لحظة واحدة فْـ حياتك
