فرَّحتهم فينا
و بقِت أسامينا
عناوين حكاياتهم
و نداري في عينينا
لو رحنا أو جينا
و يعلُّوا ضِحكِتهم
بقى تيجي من قلبك ؟
و تيجي فينا احنا ؟
احنا اللي كان تَعَبَك..
بنقول : مريَّحْنا
عشان نسكِّتْهُم
سمَّعْتِنا صوتْهُم
فرَّحتهم فينا
***
ياللي انت ناسينا
رجَّع ليالينا
حرام تضيَّعْهُم
البعد مش لينا
داحنا لبعضينا
ارجع و سمَّعهُم
حسدونا على شوقنا
و كنا خايفين
للعين تفرقْنا
و ما جاتش مالعين
...
فرَّحتهم فينا
***
من يوم ما حبِّينا
و همَّا حوالينا
متغيَّرة احوالهم
حتى امَّا خبِّينا
هوانا.. و دارينا
ما ريَّحوش بالهم
قالوا : الهوى كدبة
عايشينها يومين
و هتخلص اللعبة
و يفوقوا الاتنين
....
فرَّحتهم فينا
0 التعليقات:
إرسال تعليق