يا حلم صار بعد المنى جنَّة
ما اعرفش إيه بعده أنا اتمنَّى
يا صوت ملاك حاني كما النِّسْمَة
و عيون ذكية شقية مِبْتِسْمَة
و وش له ساعة الزعل رَسْمَة
و اعرف أنا تمثيله مالزَّنَّة
***
شايفاني باكبر و انت قدَّامي
و كإنها متعادة أيامي
حتى اللماضة و طلقك الحامي
و ساعات في بوسة فيها ميت (إنَّ)
و كإنها متعادة أيامي
حتى اللماضة و طلقك الحامي
و ساعات في بوسة فيها ميت (إنَّ)
***
بتجنيني كتير و بانويلك
لكن بادوب و اتخطف اجيلك
لو قلتِ (آه) حتى في تمثيلك
فيه أم لحظة خوف بتتأنَّى !
لكن بادوب و اتخطف اجيلك
لو قلتِ (آه) حتى في تمثيلك
فيه أم لحظة خوف بتتأنَّى !
***
لو لسة فيه في الأمنيات واحدة
يبقى تكوني بنت مش جاحدة
و يكون زمانك غير دهو أهدى
و اقعد لفرحك صاحية مالحِنَّة
...
يبقى تكوني بنت مش جاحدة
و يكون زمانك غير دهو أهدى
و اقعد لفرحك صاحية مالحِنَّة
...
يا حلم صار بعد المنى جنَّة
ما اعرفش إيه بعده أنا اتمنَّى
0 التعليقات:
إرسال تعليق